लोकशाही न्युज, गडचिरोली (दि,११ डिसेंबर)
गडचिरोली येथील जिल्हा व सत्र न्यायालयात न्यायाधीशाच्या पोलीस गार्डने स्वतःच्या अंगावर गोळ्या झाडून आत्महत्याची केल्याची घटना आज दुपारी २ वाजून ५० मिनिटांनी जिल्हा व सत्र न्यायालय परिसरात घडली.
मृतक पोलीस शिपायाचे नाव उमाजी केवळराम होळी वय-४६ असून मृतक पोलीस गार्ड हा रा. मोहटोला, बेळगाव ता. कोरची जि. गडचिरोली येथील रहिवासी होता.
प्राप्त माहितीनुसार घटनेचे नेमके कारण अद्याप अस्पष्ट आहे प्राथमिक माहितीनुसार वैयक्तिक किंवा मानसिक ताण-तणावामुळे ही घटना घडल्याचे बोलल्या जात आहे. न्यायालय प्रशासन व पोलीस विभागाने घटनेची दखल घेत तसा तपास सुरू केलेला आहे.
उपचारादरम्यान मृत्यू झालेल्या पोलीस गार्डचे मृत शरीर शव विच्छेदनासाठी जिल्हा सामान्य रुग्णालय गडचिरोली येथे नेण्यात आलेले असून पुढील तपास गडचिरोली पोलीस करीत आहे.
