नक्षल्यांनी पुरून ठेवलेले स्फोटक साहीत्य हस्तगत करण्यात पोलीस दलाला आले यश

लोकशाही न्युज, गडचिरोली/धानोरा (१४ फेब्रुवारी)

दि. १४ फेब्रुवारी २०२३ ला ११:३० वाजताचे दरम्यान उपविभाग धानोरा अंतर्गत येत असलेल्या कटेझरी हद्दीमध्ये कटेझरी चारवाही जंगल परिसरात नक्षलवाद्यांनी पोलीस पथकांना नुकसान पोहचवून मोठा घातपात घडवून आणण्याच्या उद्देशाने मोठ्या प्रमाणात स्फोटके व इतर साहीत्य पुरुन ठेवले असल्याच्या खात्रीशीर ख़बरीच्या आधारे गडचिरोली पोलीस दलाचे जवान व बीडीडीएस पथकाचे जवान नक्षलविरोधी अभियान राबवित असतांना जवानांना जंगलात एका संशयित ठिकाणी लपवून ठेवलेले स्फोटके यांचा साठा मिळुन आला.

पोलिसांनी हस्तगत केलेले साहित्य
¶¶¶
२ नग जिवंत ग्रेनेड, २ नग ग्रेनेड फायर कफ, १८ नग वायर बंडल, ५ ब्लास्टींग स्टिल डब्बे, १ प्लॅस्टीक डब्बा (टुल किटसह), ४ नग वायर कटर, ७ नग ग्रेनेड माऊंटींग प्लेट, १ नग लहान लोखंडी आरी, २० नग नक्षल पुस्तके, ७ दु-पीन सॉकेट, १ स्टील डब्बा झाकणी व २ नग प्लॅस्टीक झिल्ली इ. नक्षल साहीत्य हस्तगत करण्यात आले.

२ नग ग्रेनेड हे बीडीडीएस पथकाच्या मदतीने अत्यंत सतर्कतेने जागेवर नष्ट करण्यात आले असून, घटनास्थळावर मिळालेल्या मुद्देमालावर कायदेशिर कारवाई करण्यात आली आहे. पुढील कारवाई गडचिरोली पोलीस दलाकडुन सुरु आहे.