कंपनी च्या नावे आर्थिक फसवणूक करणाऱ्या पिपरे दाम्पत्यावर मकोका लावा

लोकशाही न्युज, गडचिरोली (दि. २ जुलै)

जिल्हाधिकारी यांचे बनावट लेटरहेड व बनावट सही करून ४ कोटीची कामाची लूट करण्याच्या आरोपाखाली ५ दिवसाच्या पोलीस कस्टळीत असणाऱ्या आशिष पिपरे यांच्या विरोधात चामोर्शीतील महिलांनी पुन्हा मकोका लावण्यासाठी सहाय्यक पोलीस अधीक्षक यांना निवेदन दिले आहे. या तक्रारीमुळे आशिष पिपरे यांच्या अडचणीत पुन्हा वाढ होण्याची शक्यता वाढली आहे.

चामोर्शी येथील स्वीकृत नगरसेवक आशिष पिपरे व नगरसेविका सोनाली आशिष पिपरे यांनी खोटया कंपन्या शिवम एंटरप्राईजेस, शिवम इंडस्ट्रिज या कंपण्या स्थापन करून सन २०२० मध्ये प्रधान निर्मीती रोजगार योजनेच्या माध्यमातुन पिपरे दाम्पत्यांनी गोर गरीब, शेतकरी, शेतमजूर महिलांची पिळवणूक केली.

याशिवाय या पिपरे दांपत्याने एक ना अनेक कारनामे करून गरीब महिलांना फसवण्याचा प्रयत्न केलेला आहे.सहाय्यक पोलीस अधीक्षक यांना तक्रार देते वेळी कविता किरमे,मिनाक्षी पिपरे,देवांगना नैताम, निवृता गवारे ,शिला धोडरे यांचे सह अनेक महिलांनी तक्रार नोंदवली आहे.

जाहिरात