लोकशाही न्युज, गडचिरोली (दि,२० मार्च)
गडचिरोली शहरातील चंद्रपूर रोडवरील कॉम्प्लेक्स परिसरातील नर्सरी कृषी विज्ञान केंद्र गडचिरोली येथे आज सकाळी दहाच्या सुमारास काही नागरिकांना वाघीणीचे दर्शन झाले होते. तेव्हापासूनच वाघ पकडण्यासाठी वन विभागाची टीम अलर्ट झाली होती.
(हीच ती वाघीण वन विभागाने केली जेरबंद)
सदर कारवाई मुख्य वनसंरक्षक डॉ. किशोर मानकर यांच्या नेतृत्वात ताडोबा अंधारी व्याघ्र प्रकल्पातील डॉ रविकांत खोब्रागडे व शूटर अजय मराठे यांच्या टीमने अथक परिश्रम घेऊन त्या वाघिणीला सायंकाळी ४ वाजताच्या सुमारास जेरबंद करण्यास यश प्राप्त झाले सदर वाघीण ही जेरबंद झाल्याने गडचिरोली शहरातील नागरिकांनी सुटकेचा निश्वास सोडला आहे.
गडचिरोली शहरातील आयटीआय चौक परिसरात कृषी विज्ञान केंद्राच्या परिसरात वाघ आल्याने गडचिरोली शहरातील जनतेने धसका घेतला आहे.
वाघीण जेरबंद झाल्याने वन विभाग टीमचे सर्वत्र कौतुक होत आहे. परिसरात फटाके फोडून आनंद साजरा करण्यात आला . याप्रसंगी वन्यजीव संरक्षक मिलिंद उमरे,वन्यजीवप्रेमी अजय कुकुडकर उपस्थित होते .
