लोकशाही न्युज,गडचिरोली (दि.११ डिसेंबर)
गडचिरोलीला राष्ट्रीय आणि जागतिक कौशल्य विकास केंद्रामध्ये रूपांतरित करण्याच्या दिशेने मोठे पाऊल उचलत, लॉयड्स मेटल्स अॅड एनर्जी लिमिटेड (LMEL) ने आज लॉयड्स मिशन फॉर ग्लोबल स्किल्स अँड एंटरप्रेन्योरशिप (LMGSE) या उपक्रमाची सुरुवात केली.हा उपक्रम लॉयड्स मेटल्स अॅड एनर्जी लिमिटेडचे व्यवस्थापकीय संचालक बी. प्रभाकरण यांच्या हस्ते तसेच अल्का मिश्रा (चेअरपर्सन स्किल डेव्हलपमेंट), LICL चे एमडी व्यंकटेश संधिल आणि इतर मान्यवरांच्या उपस्थितीत सुरू करण्यात आला.
महाराष्ट्राचे मुख्यमंत्री देवेंद्र फडणवीस यांच्या दूरदृष्टीपूर्ण नेतृत्वाखाली सुरू झालेली ही योजना गडचिरोलीतील युवकांच्या सक्षमीकरणासाठी आतापर्यंतच्या सर्वात महत्त्वाकांक्षी उपक्रमांपैकी एक ठरते.या प्रसंगी नव्या प्रशिक्षणार्थी व उपस्थित मान्यवरांना संबोधित करताना बी.प्रभाकरण म्हणाले की, त्यांचे उद्दिष्ट गडचिरोलीला जमशेदपूरपेक्षाही मोठे स्टील सिटी म्हणून विकसित करण्याचे आहे.त्यांनी सांगितले की भारताचे पंतप्रधान आणि महाराष्ट्राचे मुख्यमंत्री दोघेही गडचिरोलीच्या विकासाबाबत अत्यंत सकारात्मक व उत्सुक आहेत आणि लॉयड्स कंपनी या प्रदेशाच्या सर्वांगीण विकासासाठी पूर्णपणे कटिबद्ध आहे.
LMGSE अंतर्गत दिले जाणारे विविध प्रशिक्षण जसे वेल्डिंग, प्लंबिंग, ट्रान्सपोर्ट, इतर तांत्रिक कौशल्ये यामुळे येथील युवकांना रोजगारक्षम बनवण्यास मदत होईल, असेही त्यांनी स्पष्ट केले.
या मिशनचे उद्दिष्ट म्हणजे कौशल्यातील गंभीर अंतर भरून काढणे, उद्योगाच्या वास्तविक गरजांशी प्रशिक्षणाची जुळवणी करणे आणि विशेषतः वंचित समुदायांसाठी शाश्वत आजीविका निर्माण करणे. जागतिक रोजगार संधी व स्थानिक विकास यांना एकत्र करून, LMGSE गडचिरोलीच्या युवकांना नव्या आणि हरित उद्योगांमधील राष्ट्रीय व आंतरराष्ट्रीय संधींशी जोडण्याचा प्रयत्न करणार आहे.
३०० विद्यार्थ्यांच्या पहिल्या तुकडीने नवीन कौशल्य चळवळीची सुरूवात
!!!
९० दिवसांच्या या प्रशिक्षण कार्यक्रमात ४५ दिवसांचे प्रशिक्षण आणि ४५ दिवसांची ऑन-जॉब ट्रेनिंग यांचा समावेश आहे.पहिल्या तुकडीत ३०० विद्यार्थी बार-बेंडिंग आणि शटरिंग या उच्च मागणी असलेल्या ट्रेड्समध्ये प्रशिक्षण घेत आहेत.ही तुकडी गडचिरोलीत व्यापक आणि शिस्तबद्ध कौशल्य चळवळ सुरू होण्याचे प्रतीक आहे.
LMGSE ने पहिल्या वर्षात १० हजार युवकांना प्रशिक्षण देण्याचे महत्वाकांक्षी लक्ष्य ठेवले आहे. या प्रयत्नामुळे गडचिरोलीच्या दीर्घकालीन आर्थिक परिवर्तनाचा पाया रचला जाईल, रोजगार संधी वाढतील आणि स्थानिक उद्योगांत सहभाग वाढेल.या मिशनची खास वैशिष्ट्य म्हणजे कौशल्य विकासासोबतच टिकाऊपणा-ज्यामुळे विशेषतः महिला आणि हाशियावरील गटातील युवकांना आधुनिक, पर्यावरणपूरक क्षेत्रात स्थिर करिअर घडवण्याची संधी मिळेल.
(प्रशिक्षण केंद्रावरील विद्यार्थी, सदर प्रशिक्षण सेंटर जुना पोरड्डीवार इंजिनिअरिंग कॉलेज बोदली येथे सुरू करण्यात आला आहे.)
मुख्य कार्यक्रम घटक
!!!
१.व्यावसायिक आणि मूलभूत तांत्रिक प्रशिक्षण
LMGSE अंतर्गत विविध तांत्रिक व व्यावसायिक ट्रेंड्स मध्येउद्योग-सुसंगत, संरचित प्रशिक्षण दिले जाणार आहे. यात पुढील क्षेत्रांचा समावेश असेल.
— बांधकाम व पायाभूत सुविधा (मेसनरी, बार-बेंडिंग, शटरिंग)
— मेकॅनिकल व इलेक्ट्रिकल ट्रेड्
–अक्षय ऊर्जा,
—ऑटोमोबाईल सेवा,
—लॉजिस्टिक्स सपोर्ट,
—फ्रंटलाइन सेवा क्षेत्र,
प्रत्येक कार्यक्रमात प्रत्यक्ष सराव, उद्योगमान्य प्रमाणपत्रे आणि रोजगाराशी थेट जोडणीवर भर दिला जाईल. प्रशिक्षार्थी नोकरीसाठी सक्षम कौशल्यांसह बाहेर पडतील आणि उद्योजकतेची संधीही प्राप्त करतील.
२. लॉजिस्टिक्स आणि ड्रायव्हिंगसाठी उत्कृष्टता केंद्र
LMGSE चा प्रमुख घटक असलेला लॉजिस्टिक्स अँड ड्रायव्हिंग सेंटर ऑफ एक्सलन्स भारतातील वेगाने वाढणाऱ्या लॉजिस्टिक्स उद्योगासाठी अत्याधुनिक, विशेष प्रशिक्षण देणार आहे.
मुख्य प्रशिक्षण क्षेत्रांमध्ये समावेश
!!!
—हेवी मोटर व्हेईकल (HMV) ड्रायव्हिंग
—४० फूट ट्रेलर ड्रायव्हिंग
—महिलांसाठी तीन-चाकी वाहन प्रशिक्षण कार्यक्रम
या केंद्राचे उद्दिष्ट ४ हजार हून अधिक व्यावसायिक ड्रायव्हर्स तयार करण्याचे आहे, जे राष्ट्रीय आणि जागतिक लॉजिस्टिक्स क्षेत्रातील वाढत्या मागणीस अनुरूप असेल.
