माजी आमदार डॉ. देवराव होळी यांचे खाजगी स्वीय सहायक तुषार सातपुते यांचे अपघाती निधन

लोकशाही न्युज,चामोर्शी (दि.३ सप्टेंबर)

भाजप प्रदेश उपाध्यक्ष माजी आमदार डॉ. देवराव होळी यांच्या पाठीमागे सावलीप्रमाणे उभे राहणारा व लहानपणी पासूनच त्यांच्या परिवारासोबत राहणारा मृदु शांत व संयमी स्वभाचा असा विश्वासू साथीदार तुषार सातपुते रा. खंडाळा ता. चामोर्शी यांचा दोन दिवसापूर्वी चामोर्शी – मुल मार्गावरील हरणघाट पुलाजवळ अपघात झाला.

त्यांच्या डोक्याला व हातापायाला जबर दुखापत झाली असल्याने नागपुर येथील एम्स रुग्णालयात त्यांच्यावर उपचार सुरू होते. मात्र उपचारादरम्यान २ सप्टेंबर मंगळवारी रात्री दहा वाजता त्यांचे दुःखद निधन झाले.

दि. ३ सप्टेंबर बुधवारी दुपारी ४ वाजता मार्कंडा वैनगंगा नदी घाट येथे त्यांच्यावर अंत्यसंस्कार करण्यात येणार आहे.त्यांच्या मृत्यू पश्चात मागे आई, वडील, पत्नी व दोन मुले बराच मोठा आप्त परिवार आहे.