लोकशाही न्युज,गडचिरोली (दि.१०डिसेंम्बर)
दिनांक १२ ते १६ डिसेंबर २०२२ या कालावधीत गडचिरोली येथे जिल्हा कृषि महोत्सवाचे आयोजन करण्यात आलेले आहे. अशी माहिती पत्रकार परिषदेत डॉ. संदीप कऱ्हाडे प्रकल्प संचालक आत्मा तथा सचिव जिल्हा कृषी महोत्सव समिती गडचिरोली, श्री बसवराज मास्तोडी जिल्हा अधीक्षक कृषी अधिकारी तथा सदस्य जिल्हा कृषी महोत्सव समिती गडचिरोली व जिल्हा माहिती अधिकारी सचिन अडसूळ यांनी दिली.
गडचिरोली जिल्हयातील कृषि व कृषिपुरक उद्योगांना सहाय्यभुत ठरेल व शेतकऱ्यांच्या उत्पनात वाढ होईल हे उद्दिष्ठ ठेवत या महोत्सवाचे नियोजन करण्यात आले आहे. सदर कार्यक्रमात आत्मा,माविम व उमेद मार्फत कृषि तंत्रज्ञान व्यवस्थापन यंत्रणा (आत्मा),कृषि विभाग व सर्व संलग्न विभाग मार्फत बचत गटांचे प्रदर्शन व उत्पादन विक्री देखील ठेवण्यात आलेले आहे.२०० स्टॉस प्रदर्शनीत लागणार आहेत , प्रथम येणाऱ्यास प्राधान्य राहणार आहे.
जिल्हयात कृषि क्षेत्रात काम केलेल्या प्रगतशिल व उदयन्मुख शेतकऱ्यांचे सत्कार करण्यात येणार आहे.या अनुषंगाने प्रकल्प संचालक (आत्मा) गडचिरोली यांनी अशा शेतकऱ्यांनी कामाचा तपशिलासह प्रस्ताव सबंधित तालुक्याचे तालुका कृषि अधिकारी कार्यालयाशी संपर्क साधुन प्रस्ताव सादर करावेत. इच्छुक शेतकरी बांधवाना विनंती आहे की, त्यांनी आपल्या तालुक्याच्या तालुका कृषी अधिकारी कार्यालयाशी संपर्क साधावा.व दिनांक ८ डिसेंबर २०२२ पर्यंत प्रस्ताव सादर करावेत. तसेच इच्छुक कृषि व कृषि संलग्न उत्पादनाची कृषि पुरक उत्पादकांनी विक्री व प्रदर्शनासाठी स्टॉल ची नोंदणी प्रकल्प संचालक (आत्मा), गडचिरोली यांचे कार्यालयात दिनांक ९ डिसेंबर २०२२ पर्यंत करावी. स्टॉल ची संख्या मर्यादित असल्याने प्रथम येणाऱ्यास प्राधान्य या तत्वावर नोंदणी करण्यात येईल. नोंदणीकरीता स्टॉलसाठीचे शुल्क आत्मा कार्यालय गडचिरोली मार्फत कळविण्यात येईल. स्टॉल आरक्षित करण्याकरीता जयंत टेभुर्णे मो.न.9404023459 वर संपर्क साधावा. अशी माहिती आयोजकांनी याप्रसंगी दिली.
कृषी महाविद्यालय सोनापूर कॉम्प्लेक्स, मुल रोड गडचिरोली च्या भव्य प्रांगणात महोत्सवाचे आयोजन करण्यात आले आहे.
