गडचिरोली (दि,२५ नोव्हेंबर )
आम आदमी पार्टी जिल्हा गडचिरोलीच्या वतीने संविधान दिनानिमित्त तसेच आम आदमी पार्टीचा दहावा वर्धापन दिनानिमित्त जिल्हा संयोजक बाळकृष्ण सावसाकडे यांच्या नेतृत्वात दि, २६ नोव्हेंबर २०२२ शहरात रॅलीचे आयोजन करण्यात आले आहे. अरविंद केजरीवाल यांच्या नेतृत्वात दिल्ली आणि पंजाब मध्ये बहुमताच्या जोरावर सुरू असलेले यशस्वी सरकार सर्व सामान्य जनतेला न्याय देत असून विज,पाणी,शिक्षण,आरोग्य, रोजगार या मुलभूत गरजा पूर्ण करण्यासाठी कटिबद्ध असलेले सरकार महाराष्ट्रात आणण्यासाठी पार्टीचे प्रयत्न आहे. तसेच पार्टीचा १० वर्धापनदिन दिन व संविधान वाचन दिन उत्साहात साजरा करण्यासाठी बहु संख्येने सकाळी १० वाजता पार्टी कार्यालयात हजर राहावे असे आम आदमी पार्टी तर्फे जनतेला आवाहन करण्यात आले आहे.
आप कार्यालय कॅम्प एरीया ते इंदिरा गांधी चौक ते रेड्डी गोडाऊन ते पार्टी कार्यालय असा रॅलीचा मार्ग राहणार असून पार्टी कार्यालयात समारोप करण्यात येणार आहे.
