गडचिरोली (दि,३ नोव्हेंबर)
गडचिरोली मुख्यालयापासून ८ किलोमीटर दूर राजगाठा या गावी जंगलाला लागून असलेल्या आपल्या शेतात धान कापणी झालेल्या धानाची बांधणी कामाकरिता गेलेल्या इसमावर दबा धरून बसलेल्या नरभक्षक वाघाने हल्ला करून सुधाकर भोयर रा. राजगाठा ( वय ५५) या इसमाचा बळी घेतला. सदरची घटना दुपारी १ वाजताच्या दरम्यानची आहे.
त्याच्या मृत्यू पश्चात पत्नी व एक मुलगा, सून आहे.भोयर परिवारावर शोककळा पसरली आहे .
(वाघाच्या हल्ल्यात ठार झालेल्या इसमाचा मृतदेह पंचनामा करून शवविच्छेदनासाठी नेण्याकरिता विरोध दर्शवला आहे त्यामुळे काही काळ त्या गावांमध्ये संतप्त जमावाने वातावरण चिघळलेले होते.
काही दिवसापूर्वी वन विभागाच्या टीमने सिटी १ या नामक वाघाला पकडून जेरबंद केले तेव्हापासून जनतेने वाघाच्या हल्ल्यापासून सुटकेचा श्वास सोडला होता,पण आणखी दुसऱ्या नरभक्षक वाघाने जागोजागी हल्ले करून लोकांचे जीव घेत असल्याने भीतीचे वातावरण तयार झाले आहे .
