गडचिरोली : जिल्ह्यात जाणवले भूकंपाचे सौम्य धक्के

लोकशाही न्युज,गडचिरोली (दि. ४ डिसेंबर)

तेलंगणा राज्यातील मुलुगु येथे आज सकाळी ७ वाजून २७ मिनिटांनी भूकंप झाला आहे. याचे सौम्य धक्के गडचिरोली जिल्ह्यात जाणवले आहे.गडचिरोली जिल्ह्यातील दक्षिण भागातील चामोर्शी, एटापल्ली, अहेरी, सिरोंचा, भामरागड तालुक्यासह अनेक गावांना भूकंपाचे सौम्य धक्के जाणवल्याची माहिती प्राप्त झालेली आहे. भूकंपाचे धक्के ७:२९ मिनिटांनी गडचिरोली शहरातील काही शहर वासियांनी सुद्धा जाणवले आहे.या भूकंपची तीव्रता रिष्टर स्केल वर ५.३ अशी नोंदविण्यात आलेली आहे.

संजय दैने जिल्हाधिकारी गडचिरोली ¶¶

अशा प्रकारचे धक्के पुन्हा जाणवल्यास नागरिकांनी दक्षता घ्यावी व घाबरून न जाता इमारती बाहेर मोकळ्या जागेत सुरक्षित स्थळी आश्रय घ्यावा, असे आवाहन जिल्हाधिकारी संजय दैने यांनी केले आहे.