शासकीय इंग्रजी माध्यम आश्रमशाळा, गडचिरोली च्या विद्यार्थीनीनी नाशिक राज्यस्तरीय क्रीडा स्पर्धेत मिळवले यश

लोकशाही न्युज,गडचिरोली (२१ फेब्रुवारी)

आदिवासी विकास विभागाच्या शासकीय व अनुदानित आश्रमशाळेतील मुला मुलींच्या नाशिक येथील राज्यस्तरीय क्रीडा स्पर्धेत शासकीय इंग्रजी माध्यम आश्रमशाळा, गडचिरोली येथील विद्यार्थीनी कु. खुशबु आतला या विद्यार्थीनीने लांब उडी खेळामध्ये सुवर्ण पदक, कु. संध्या उसेंडी विद्यार्थीनीने गोळाफेक खेळामध्ये सुवर्ण पदक, कु. हर्षदा उसेंडी विद्यार्थीनीने व्हॉलीबॉल खेळामध्ये रौप्य पदक व कु. अनुष्का शामराव पुडो विद्यार्थीनीने ३००० मिटर चालने या खेळप्रकारात कास्य पदक पटकाविला.

सदर ४ विद्यार्थीनींचा शाळेमध्ये सत्कार करण्यात आला. विद्यार्थीनींनी यशाचे श्रेय मुख्याध्यापिका कु. दिपा जुमनाके व क्रीडा शिक्षक श्री. आशिष नंदनवार यांना दिले. तसेच सर्व कर्मचाऱ्यांनी सदर खेळाडु विद्यार्थीनीना शुभेच्छा दिल्या.